ग दि मांच्या पंचवटीतून

 हे पुस्तक वाचून आज पूर्ण झालं. गदिमांच्या स्नुषा शीतल श्रीधर माडगूळकर यांच्या लेखणीतून अनेक प्रसंग जिवंत झाले आहेत. गदिमा, त्यांच्या पत्नी विद्याताई, ज्येष्ठ चिरंजीव श्रीधर माडगूळकर यांची व्यक्तिचित्रणे अतिशय स्पष्ट आणि सुरेख आहेत. या व्यक्तींचे मृत्यू देखील जीवाला चटका लावून जातात.

साहित्य, कला, संगीत यांचा समृध्द वारसा, वेळोवेळी केलेले प्रवास, काँग्रेस पक्षाचे काम करत असताना आलेले अनुभव , अनेक थोर व्यक्तींचा सहवास, गदिमांचे सुपुत्र म्हणून श्रीधर याना मिळालेला सन्मान, गदिमांच्या लेखांचे संकलन - प्रकाशन आणि ती सारी प्रक्रिया, विद्याताईंचे आत्मचरित्र आणि निर्मितीप्रक्रिया सारे काही मुळातून वाचण्याजोगे आहे.

आवर्जून वाचावे असे पुस्तक.

© श्रेया श्रीधर महाजन